依然好忙

Posted on

琴日(30/10),一早就起身,兩隻手同膊頭好似打完波o甘好攰,應該係因為前日搬o野。個人都好攰,唔係好夠o訓,但係真係有好多o野要做,唔係仲有好多時間咋!

一早就過o左去新居,呢日我o地o係o度整餐廳o既致謝辭、餐廳用o既座位牌、預備當日要派o既利事、預備音樂碟、酒樓玩遊戲用o既禮物、執當日帶去餐廳o既用品、將某部份當日o既o野由新居搬去男友屋企,就係o甘忙o左一整日。

後來o係新居試部洗衣機,因為收o左樓之後都無用過,於是吉機洗o左一次,但係唔知點解洗完部機入面仲有少少泡泡o係o度,o甘樣係咪壞?我落o左唔係好多洗衣粉咋!定係因為無放衫入去洗o既問題。已經好忙嘞!真係顧唔到o甘多o野呀!


忙到暈呀!

Posted on

呢日半假期 (星期六、日),好忙呀!

前日(28/10)o係新居執屋,之後同亞媽去Final Fit,順路買o左支羽毛筆。

琴日(29/10)一大朝就過去新居,預備o左D當日酒樓玩遊戲o既道具同禮物。晏晝攞o左D紙同膠樽去回收,換o左3袋1kg米、1包出前一丁、兩卷廁紙 (終於清o西D垃圾嘞!)。後來順便o係樓下商場買o左把梯,商場每買滿$300,就送一個禮物袋,入面有栗米卡片、零食……….‧我o地換到兩袋。之後,去o左攞鞋,然後Final Fit,順路去o左G.O.D.買o左套睡衣,好開心,買滿$100有抽獎,我中o左大獎,o係個裝肥皂o既兜,價值$195。今日可以話係滿載而歸。不過忙o左成日,真係好攰。

PS: 前晚同屋企食飯,亞媽發覺我塊面有D一點點紅色,連我自己都唔覺,但係仔細睇就會見到,懷疑係Cream或者Mask導致敏感,所以呢兩日乜都無用,紅點差唔多無嘞!但係塊面好乾,都唔知點算。


Count Down 10 Days

Posted on

由"結婚倒數90天"到依家,唔經唔覺,仲有10日咋!時間過得好快,由其係呢一兩個禮拜,D時間好唔夠用。

到依家為止,仍然覺得好似仲有好多o野未攪好,又成日擔心有D o野做漏o左,o黎緊o既時間,要加倍努力嘞!

今晚放工,約o左Mua試頭同揀頭飾,試完我諗都唔早嘞!應該做唔到其他o野,唯有聽日繼續努力啦!



好忙o既一天

Posted on

星期六(21/10),我o地好勤力o甘做o左個Check List ,發覺原來仲有好多o野未買/未做好。

琴日(22/10)我o地做o左好多o野,睇o下下邊就知嘞!

(1) 買o左黑色高踭鞋,用o黎配番件紅色晚裝,要29/10先有得攞呀!

(2) Book o左 Final Fit,o黎緊成個禮拜都Full o西!要去到星期日(29/10)先有期可以上去。

(3) 交o左行程比攝影公司

(4) 上o左酒樓傾埋D細節, 今日會再上去交埋相做Poster同Menu

(5) 燒o左成長DVD同結婚相DVD,預備今日攞去酒樓試播

(6) 買o左簽名筆、啤牌、粉撲、假眼捷毛

(7) 未來奶奶臨時話請多幾個朋友,加印o左請帖

o黎緊仲有排忙呀!


第一份結婚禮物

Posted on

啱啱我亞爸放工返o黎,佢帶o左佢公司同事送比我o地o既結婚咭比我,我好開心又好意外,因為我o地擺酒只請親戚,無請亞爸D同事,整係比o左餅咭。打開入面竟然仲有Sogo禮劵,真係唔係o甘好意思收,o係o度要同我亞爸o既同事衷心講句:好多謝你o地o既心意同祝福,謝謝!

Continue reading »