婚禮大檢閱 (14) ~ 酒樓

Posted on

酒                        樓:  旺角迎囍酒樓   $37,504 / 8圍   (很好)

 

我o地都好遲先去搵酒樓,有好多海樓都full o左,所以選擇唔多,不過最後都好好彩比我o地Book到間o係市區o既酒樓 – 迎囍。

我最喜歡酒樓o既佈置好中式,同埋有個大大o既新娘房。另外,由我o地第一次上去,到之後上o左幾次,接待我o地o既部長態度都好好。至於當晚擺酒o既食物都好好食,好唔錯,而且侍應都好有禮貌,很好呀!

唯一o既缺點係,間比我o地個廳實在太細,好逼,就連個臺o既位置都無乜點預到比我o地,我o地玩抽獎遊戲要企o係兩張主家席o既中間,可能因為我o地擺得8圍啦!呢樣係我最唔滿意o既,其他都好好呀!


婚禮大檢閱 (13) ~ 律師証婚

Posted on

律     師     証     婚: Darin Leung & Partners   $2,805   (滿意)

 

搵律師之前,我o係網上面搵資料,然後逐間逐間律師樓send e-mail去問價,問o左好多好多間,覆番o黎o既,發覺律師証婚o既收費真係好海鮮價o下,貴至5、6千蚊,平至2、3千都有,我o地當然係揀個平啦!

梁律師好nice、好有禮貌,由第一次上佢律師樓簽o野,對佢印象已經唔錯。不過可能o果時律師証婚都係啱啱開始o左無耐,當日睇得出梁律師有D緊張,但係最後都好順利完成,真係要多謝佢呀!


婚禮大檢閱 (12) ~ 餐廳佈置

Posted on

餐     廳      佈     置: 朋友介紹 Freelance   $2,300    (極差劣,好失望)

 

餐廳佈置簡直係我o地婚禮o既一大遺憾,真係非常非常失望。

我o地去到餐廳,正在佈置途中,當我一見到影相位置o果塊背板上面,我同老公個名o既字體,我真係嚇o左一大跳,點會用D o甘肉酸o既字體o架!依家係結婚,唔係細路仔開生日Party呀!再睇真D,手工好似小朋友做o甘,其他基本上都無乜佈置o甘。唔話比人知,人o地可能以為我o地係搵D兄弟姊妹整添呀!我敢講假如我有時間自己整,我一定會整得靚過依家要比錢o既。

Continue reading »


婚禮大檢閱 (11) ~ 餐廳Buffet + 註冊

Posted on

餐廳Buffet + 註冊: Café Muse   $8,800   (一般)

 

Café Muse係o係尖沙咀文化中心附近,揀呢o度搞Lunch Buffet,係因為覺得周圍環境好,好唔鍾意有D註冊地方要上去商業大廈,感覺一D都唔好。又或者有人會問,點解唔揀酒店?其實當初原意係想註冊完,希望我o地o既朋友有個地方食小小o野,可以坐抵傾o下計,影o下相,唔駛觀完禮就要走,所以酒店唔適合我o地,而且亦超出我o地預算。

最初我o地同Café Muse傾,係要求要D小食同糕點,但係由於呢Do野食佢o地要為我o地特別去整,所以個價錢唔平得過食佢o地個Lunch Buffet,就係o甘,最後我o地o既婚禮,就變為o係餐廳搞Lunch Buffet,再加註冊嘞!

Continue reading »



婚禮大檢閱 (9) ~ 新娘禮服

Posted on

新  娘  禮  服 (租): 秋天童話結婚專門店   $2,798 婚紗+3件晚裝     (一般)

 

秋天o既衫真係好一般,同埋好唔夠Grand。我都用o左好多時間同精神先搵到自己o既心水晚裝,完全明白乜o野叫一分錢一分貨呀!

最初我Joint佢o地,係因為我揀啱o左件婚紗,直到最後,我都無轉走過佢,因為我真係好鍾意。

另外要提o既係,Amy同Winner (佢o地應該係老闆)都好nice,記得第次上去,都未Joint,佢o地已經叫我試衫,不過當時我無試,因為未揀定,費事麻煩。到Joint o左之後,佢o地依然好熱情,可以任試唔嬲,呢種服務態度o係今時今日真係好難得。

Continue reading »



婚禮大檢閱 (7) ~ 攝影錄影

Posted on

攝     影      錄     影: D & S Production     $3,380 + $1,930(曬相22筒菲林)   (OK啦!)

 

唔知係o米自己抱o既期望大高,所以當收到相o既時候有D失望。

其實D相影得正正常常,都唔係差,不過外影o果Part,影出o黎唔係我諗o既o果個feel,可能我太一廂情願啦!當日外影感覺攝影師好Pro,心諗影出o黎應該會係o甘o甘o甘,但係原來只係普通o既婚紗照,或者我用o左去台灣影婚紗相o既標準去比較啦!

Continue reading »


婚禮大檢閱 (6) ~ 化妝

Posted on

化                       妝: @Beaute ~ Amy  $4,800早上+全晚   (很好)

 

揀@beaute全因為之前曾經o係網上見人話Amy化得夠自然,自然係我首要o既條件,於是就book o左去試妝,假如無記錯試妝費要$300,試完之後,覺得一般,但係由於唔想再去搵過其他試 (試妝都要好多時間,o果時已經夠忙嘞!),所以就book o左。

Continue reading »