第一次養的寵物 – 可憐小雞

Posted on

我記得o係我好細個o既時候,仲係讀緊幼稚園,我曾經養過一隻雞仔,我諗佢應該係我第一次養o既寵物。

話說年少無知o既我,見可愛o既小雞仔個身污糟,所以攞o左個盒仔去裝水,然後將小雞放落水,諗住同佢洗白白,結果可憐o既小雞就係o甘比我害死o左嘞!

呢件事好深刻,到依家仲依然記得。

Continue reading »





結婚介指

Posted on

琴晚去Mabelle睇o左對結婚介指,已經改好o左個Size同做o左車沙,之前仲擔心將對介指由令面改做啞面唔知好唔好睇,結果都好好呀!

依家等刻埋名,下星期一就可以攞嘞!我本來想兩隻介指都刻住我倆o既名同結婚日子,但係個Sales話唔夠位,唯有淨係刻對方個名同日子。


各有各性格

Posted on

雖然養龜仔比起養狗仔無o甘好玩,但係當你得閒、無聊o既時候,望住所養o既龜仔,唔難搵到佢o地可愛之處,甚至有時會不奇然"Ka"一聲笑出o黎。

原來龜都有各自o既性格。

大龜: – 怕羞 / 細膽 (隻手一伸埋去佢附近,個頭就縮都縮唔設) – 揀飲擇食 (假如D食物佢唔鍾意食,會咬闌o西吐出o黎,鍾意的話就會食得好擒青)

小龜: – 好奇心重 (隻手伸埋去,佢個樣會好好奇o甘望住你隻手,仲會跟住你隻手走) – 撩事鬥非 (成日撩大龜打交,大龜又唔理佢) – 惡 (隻眼會bear住人,又會無端端走去咬大龜)

除o左性格,佢o地就連行o既姿勢都唔同。

大龜行o既時候,好似好懶o甘,拖住個龜殼o黎行,定唔知係佢太重o既關係。

小龜就會四隻腳仔"燦"行o西,個龜殼係唔會掂到地。


婚前輔導班取消o左呀!

Posted on

之前報o左個婚前輔導,原本下星期五開始上堂,點知今日打電話o黎話人數唔夠,開唔成班,依家o甘急都唔知去邊o度報好。

我o地都覺得婚前輔導對大家都有好處,大家一齊o甘耐,雖然都已經好了解對方,但係有D o野可能旁人會更清楚,多D了解對方,同時亦都多D了解o下自己,都會係好事o黎。或者雙方現有o既問題係o米已經解決o左?定係只係將問題收埋o係各自o既心裡面,而從來無正視過,解決過?而且所謂相處好同住難,呢句說話相信唔係只係講緊新抱同奶奶,兩個唔同生活習慣o既人o係埋一齊,有唔同,有磨擦,一定好難避免。相信婚前輔導對大家會係一個好o既預備功課。

但係依家報唔成,點好呢?真頭痛。




Mabelle 對結婚介指改好嘞!

Posted on

頭先Mabelle打o黎話對介指改好嘞!我o地諗住去睇o下改成點先至Confirm刻名,同埋因為o係屯門訂,入去唔係o甘方便(我雖然住屯門,但係市中心真係好日都唔會去,如果買介指o果日唔係約o左亞媽揀金飾,對結婚介指都唔會o係屯門買),所以叫o左Mabelle送去朗豪坊(旺角一個禮拜最少會去一日啦!),要兩三日先轉到過去,唯有等o下先啦!