大日子 之 酒樓擺酒 Part 8 ~ 敬酒

Posted on

進場之後,我食o左第一道菜 – 乳豬,就即刻換o左件紅色晚裝,將所有親戚送o既金器帶o西上身。

換好衫出o黎,竟然仲係食緊第二道菜,我仲以為自己o係新娘房整o左好耐,又或者係出菜出得慢啦!

食完個翅,敬酒時間就到嘞!

好彩我o地得8圍,所以都好快o甘敬完o甘多圍。

原來敬酒係新娘帶頭行先,真係有D驚。另外杯o野飲係可樂o黎o架!

Continue reading »


大日子 之 酒樓擺酒 Part 7 ~ 酒樓食物篇

Posted on

o果晚我雖然要換幾次衫,不過都有時間食o野,食到飽飽添呀!

唔知係出菜出得慢呀!定係Mua Amy手快呢!

 

大日子酒樓棻單:-
迎囍耀金豬
金銀鮮蝦球
發財瑤柱甫
翡翠珊瑚玉帶
紅燒蟹肉翅
鮑片扣海參
清蒸大東星
黃金脆皮雞
溫馨荷葉飯
上湯水餃麵
雪蛤燉紅蓮
心心相印

Continue reading »


大日子 之 酒樓擺酒 Part 6 ~ 進場

Posted on

晏晝o係餐廳進過一次場,夜晚再o係酒樓進場,已經無再o甘緊張。

未進場前,我o係新娘房換好o西衫等D親戚坐好,當時只係覺得出面一遍混亂,後來知道原來係因為分配坐位o既問題,有D親戚唔係o甘高興,唔肯掉位,但係都無辦法啦!無理由因為佢o地,明明開8圍就夠,要突登開多圍o架!

D人差唔多坐好,出面熄o西燈,我亞爸就同我快步出o左去場地門外,會合老公,預備一齊進場。

一開始,播o左我o地o既成長片段,我同老公企o係出面等,其實當時有D唔知點,因為我o地個廳出面就係酒樓街客食o野o既地方,感覺比人望住,好似好異相o甘,無法啦!鬼叫我o地只係擺得8圍,包唔o西酒樓個場咩!

Continue reading »


10周年紀念日

Posted on

琴日24/11係我o地相識10周年紀念日,而且亦都係婚後慶祝o既第一個紀念日。

真係一D都唔覺,眨o下眼原來我o地識o左10年嘞!而且仲已經結o左婚。

我o地無特別去邊o度慶祝,只係去o左大快活打邊爐,但係已經覺得好開心,其實只要可以o係埋一齊,即使簡簡單單o甘,去食餐飯、行o下街,已經係最好不過o既事嘞!

o黎緊仲有好多個十年,希望我o地每一年都可以開開心心o甘去慶祝。


大日子 之 酒樓擺酒 Part 5 ~ 註冊片段

Posted on

攝影公司幫我o地做即日剪片,可以將朝早一D接新娘同餐廳註冊片段o係酒樓播,我好重視播呢隻碟,因為我覺得註冊o既o果一刻係最重要。

我預o左入席前半個鐘不停播呢隻碟,諗住D人搵o左位坐,但又未開席,可以有時間睇番我o地朝早o既註冊片段。

大日子o果日我都唔知道,係後來先知,原來o果日攝影公司做好o左隻碟,我細佬攞o左隻碟番酒樓,酒樓部機竟然讀唔到,後來應該攪o左好耐都係唔得,好彩最後係攝影公司借o左佢o地部DVD機去酒樓,跟住o果晚至可以順利播到隻碟。怪唔之得我見老公同細佬同酒樓o既音響師密密斟啦!原來遇到麻煩事。

假如o果晚播唔到我o地o既註冊片段比親朋戚友睇,我會覺得好遺憾,因為總係覺得註冊o果一刻係最最重要。


大日子 之 酒樓擺酒 Part 4 ~ 人型紙板公仔

Posted on

化好裝、set好頭,我同老公o既辛苦工作就要開始嘞!

有親戚o黎到,指定動作就係斟茶,收利事,然後就係o黎個合照,真係好一對人型紙板公仔。

唔好以為我o地淨係請親戚就好少圍數,我o地都總共擺o左8圍,都斟o左好多杯茶o下。

大部份親戚都唔需要跪,除o左老一輩o果D,都無所謂啦!尊重老人家o麻!

但係有D親戚,我亞媽指明一定要我o地跪,原因係個親戚o既仔/女之前結婚,都有跪我亞爸亞媽,所以我o地要代佢o地還番個禮比人。

原本跪都唔覺得有D咩問題,只係覺得o甘樣好似還人情o甘,我真係情願一係個個都跪,一係就個個都唔跪,選擇性o黎跪,我真係唔係o甘鍾意。

又係o果句,好無奈。


大日子 之 酒樓擺酒 Part 3 ~ 金器篇

Posted on

o係結婚前一日,我亞媽已經一早同我講定,o係酒樓記得要戴o西所有親戚送o既金器首飾。去到酒樓預備換衫o既時候,佢好似驚我會唔記得,又再提一次要戴金器。

之前租衫o既時候,我已經諗過呢個問題,由於我唔著掛,所以就租o左件紅色晚裝,諗住用o黎襯番D金器手飾。

Continue reading »


大日子 之 酒樓擺酒 Part 2 ~ 晚裝篇

Posted on

我一共租o左1件婚紗,3件晚裝,因為想D衫可以都o係入席前著一次同親友影相,所以每件晚裝都著o左兩次,o係酒樓分配o既時間係o甘:-

入席前 :   紅色Deep-V直身裙

紫色花花泡泡裙

進    場 :   Lace直身婚紗

敬    酒 :   紅色Deep-V直身裙

遊    戲 :   紫色花花泡泡裙

送    客 :   藍色直身裙 (晏晝o係餐廳註冊前著過,所以夜晚淨係著o黎送客)

Continue reading »


大日子 之 酒樓擺酒 Part 1 ~ 到達酒樓

Posted on

我o地大概4:30pm左右到酒樓。一去到酒樓,已經見有兩圍枱開緊雀局。走埋去經奶奶介紹,講o左幾句,就入o左去新娘房執野,跟住我就即刻換衫。

好彩新娘房都唔係太細,而且有獨立洗手間,都算唔錯。

Mua Amy會5:00pm o黎酒樓,佢朝早吩咐定,我一去到酒樓就換好衫等佢,o甘樣佢一o黎到就可以即刻幫我化妝set頭,慳番D時間。

Amy好準時,5:00pm就到o左,扮靚靚時間就開始嘞!