11週年紀念日

Posted on

啱啱過o左我o地o既結婚一週年紀念無耐,又到我o地o既拍拖11週年紀念嘞!

呢日老公安排o左好豐富o既節目,好開心o既一日哩!

星期六要返工,所以晏晝兩點幾先入到青衣,o係青衣o既滾滾紅茶食完Lunch,見到青衣城有好靚o既聖誕裝飾,當然要影o下相啦!跟住就搭去柏麗灣o既Shuttle Bus,去我o地呢日o既目的地馬灣公園嘞!o係公園一路行,去到以前曾經到過o既馬灣村,原來呢o度幾乎荒廢o左,已經變得面目全非,感覺好可惜呀!原本我o地諗住o係馬灣村o既馬頭搭船去深井食o野,不過由於條村已經無o左,船亦都取消,我o地唯有搭車過去。o係深井食o左一間叫泰皇菜o既泰國餐廳,之後就漫步海濱長廊欣賞青馬橋夜色。返到屋企,老公仲有驚喜,就係一個蛋糕,慶祝我o地11週年紀念。

呢日真係好開心呀!

 


紙婚紀念日

Posted on

今日(4/11)係我o地結婚一周年紀念,呢一年真係過得好快呀!結婚o果日o既情景好似只係啱啱過去o甘。

呢日我o地朝早起身打掃o左屋企 (原本係琴日打掃,不過出o左街行o左成日,返到屋企好攰,無清潔到呀!),之後去o左屋企附近o既樂華餐廳食o野,順路去埋超市買o野,跟住返屋企換衫,然後就起程去黃金海岸嘞!

Continue reading »