我o地竟然都忘記o左嘞!!!

Posted on

今朝搭巴士返工o既時候突然諗起,原來琴日係我o地o既拍拖12週年紀念日,我同老公竟然完全唔記得o左。

其實月頭o既時候,我記得o架!不過成日都好忙,忙到乜都唔記得o西。最近就忙住整尼泊爾個行程,雖然仲有三個幾禮拜先出發,但係其實可以得閒整o既時間唔係得好多,早o係幾個月前,我已經開始預備嘞,不過事隔幾個月都未搞好。至於老公,佢又係有好多o野做,就連尼泊爾o既o野都無乜時間睇。今次呢個旅程,真係靠o西我嘞!真係有D驚。

呢次係第一次忘記o左o係紀念日慶祝,希望以後唔會再錯過慶祝任何一個紀念日啦!因為每個值得紀念o既日子都好重要o架!

放o左工,老公話今晚出去食,補番慶祝,雖然遲o左一日,但係只要日日都o係埋一齊,幾時都係o甘開心呀!


20081115 南涌 - 大尾督 031

15/11 南涌 – 大尾督

Posted on

星期六又去o左行山,見呢排涼o左,原本一早就諗定呢日去行八仙嶺,點知越接近星期六,天氣就越熱,呢日最高有成26度,之前o果日臨急臨忙o甘決定改行第二度,因為八仙嶺成段路都無乜樹蔭,我o地唔想中暑呀!

呢日我o地行o左八仙嶺附近o既衛奕信徑第十段,加一小段八仙嶺郊遊徑,呢段路部份路段有樹蔭,正常需要3.5個鐘左右,不過我o地行o下又影o下相,用o左5個鐘先行完。由於我o地想行完之後o係大尾督食o野,所以由南涌起步,不過相信倒番轉行應該會行得舒服D,o果日我o地一路都係上山,直到最尾o果一個鐘,去到上八仙嶺o既交接點,先至開始落山,真係覺得陰D陰Do甘上,仲吃力過一口氣上到最高,然後慢慢落山呀!

Continue reading »



布婚紀念日

Posted on

琴日(4/11)係我o地o既結婚紀念日,話o甘快就已經兩年嘞!時間過得真係好快呀!

呢一年唔似上一年o甘,o甘啱係假期,要返工呀!所以我o地只係夜晚食o左一餐好豐富o既去慶祝。

我o地放o左工返o左屋企,等到九點幾就出發去九龍酒店食宵夜 Buffet,食到好飽好飽呀!

好開心,好飽足o既一晚哩!

Continue reading »


20081101-北潭涌-北丫-08

1/11 上窰 – 萬宜水庫西壩 – 北丫

Posted on

平時行山,大多數都係得我同老公,星期六難得約o左朋友行山,一大班人,熱鬧D、開心D,食o野都可以食得豐富D哩!

由於一大班人,唔係o甘方便慢慢行,慢慢影相,所以只係帶o左部GX200,不過都無所謂,因為呢段路之前我o地都已經行過呀!

行程由我同老公安排,要搵一段路唔會太辛苦,又要有得食o既,真係唔易諗,之前我o地試過由上窰行去萬宜水庫西壩,又試過由北潭涌行去北丫,於是今次我o地將D兩段路合併,由上窰行去北丫,呢段路大概行3個幾鐘,大部份都係平路,唔會好辛苦,而且到o左北丫,仲可以食番餐豐富o既海鮮餐,好適合一家大細行呀!

Continue reading »