14週年紀念日

Posted on

我o地一齊14年嘞!

今年諗o左好耐,都諗唔到去邊o度食飯慶祝好,諗o下諗o下,老公突然話不如去Sweet 19啦!一聽到,我都覺得係好主意呀!記得12年前,我o地o係呢o度食聖誕大餐,D o野都幾好食,不過呢一餐就誇張嘞!由於廚房做唔切,D o野食o黎得好慢好慢,一食竟然食o左兩個幾三個鐘哩!真係好難忘呀!呢次之後,我o地都無再去過呢o度食o野嘞!因為間餐廳o係何文田,唔係好就腳,好多時都唔會諗得起佢。諗唔到十幾年嘞!餐廳依然o係o度哩!

我o地都覺得無揀錯地方,除o左呢o度坐得舒服之外,又靜靜地,環境又好。呢一餐晚飯,食得好開心呀!

Continue reading »


20101121 大潭水塘‧大潭水務文物徑 07

21/11 大潭水塘‧大潭水務文物徑

Posted on

呢日唔知做乜,可能鼻敏感發作啦!一起身就係o甘打丐嗤流鼻水,跟住成日都係o甘無停過,搞到個人好攰無乜精神,眼又睜唔得大,個眼皮好似就快跌落o黎o甘,真係辛苦嘞!雖然好攰,但係都去o左影相哩!

星期日得半日時間,左諗右諗,諗o左好耐,決定去大潭水務文物徑。好耐好耐之前,同老公都去過大潭水塘,o果時都未有呢條水務文物徑。睇網上o既小冊子,感覺有好多文物景點,但係原來唔係o既,有D其實係一個景點,又將佢拆開做兩三個景o黎睇,有D跟本就睇唔到,又List o係張小冊子o度,睇唔到o既又有乜意思呀!

Continue reading »


老公生日快樂!!!

Posted on

星期六係老公o既生日,不過都佢要返公司做o野,真係慘嘞!

佢最近好忙好忙,原本星期六係唔駛返工o既,但係朝早都要返公司做o野,雖然晏晝返o左屋企,但係都要o係屋企做o野,o甘多年以o黎,都未見過老公忙得o甘緊要,忙到塊面都瘦o左,人又憔悴o左呀!

不過就算點忙,都唔可以唔食o野呀!晏晝放o左工,同老公去o左太子o既金沙明珠海鮮酒家飲茶。之後返o左屋企,老公做o野,我就搵o下下年去日本o既酒店資料,同埋落o左街攞蛋糕。

Continue reading »



20101030 觀音山‧嘉道理農場 44

30/10 觀音山‧嘉道理農場

Posted on

今年天氣早o左轉冷,10月已經好凍哩!雖然我好怕凍,不過早D凍都好,我o地可以去行山呀!

好耐之前去過嘉道理農場,發覺裡面有個觀音山,個山形好特別,一直都想去行o下,終於o係上個星期六行o左嘞!

上到去觀音山望落o黎,風景唔錯呀!不過沿途都幾悶o下,一來一回都差唔多行o左4個鐘,行完之後返到屋企,隻腳有D痛,個人又攰攰地,可能因為呢日有D病病地啦!還是係年紀大,唔多行得哩!

Continue reading »