日本中部北陸‧行程篇

Posted on

好幾年前已經Plan好o左行程,不過一直未能成行,最最初o既行程係諗住只去12日左右。到311 o果年打算出發,行程加到14日,因為又搵到一D想去o既地方,後o黎去唔成。直到呢一次,本來都只係打算去14日,但係由於我o地o既機票係用Asia Miles換,而o係我o地打算去程o既日子機位竟然Full o左,既然係o甘就決定提早出發,於是就變成今次17日o既日本中部北陸之旅嘞!

Day 1 香港 – 名古屋

Day 2 犬山市
木曾川遊步道
犬山城
城下町
明治村博物館
 
Continue reading »


日本中部北陸‧前言

Posted on

等了又等,等了又等,等o左好幾年o既日本中部北陸之旅終於完滿o甘去完返o黎嘞!之前曾經有兩次打算去,點知一次遇著豬流感,一次遇著311,311 o果年仲要係已經買埋機票,而最後就改o左去新加坡。

或者之前出發唔到,其實亦唔係一件壞事,因為我o地真係好好彩,遇著日圓貶值,而且o甘啱Asia Miles又做Promotion,原本要30,000里先可以換到名古屋機票,依家只係用21,000里就可以換得到。今次o既旅程真係慳o左錢又慳o左里數呀!(即使D Yen無平到,Asia Miles無做Promotion,我o地好早之前就已經決定o左今年5月一定一定會出發呀!)

呢次o既旅程真係好精彩,最靚o既就係雪山,係今次o既重點行程,我o地有從遠o既望過去,又有由底處望上去,亦有從高處望落去,更試過身在其中,每一個景色都好美好美。可以見到o甘靚o既景色,亦要感恩幾乎每日都有好天氣,我o地今次運氣算幾好哩!只係去白川鄉o果日一整日落雨,或者雨毛毛都唔錯呀!山谷o既合掌屋都o係煙雨毛毛當中,好有意景哩!唯一有D失望o既係,o係冰見睇唔到壯觀o既立山連峰,有D可惜呀!不過做人唔可以太貪心,我o地其實已經係好好彩,對於呢次o既旅程已經非常滿足嘞!
 
Continue reading »