7/3 大龜睇醫生@土瓜灣動物醫院

Posted on

上個星期三,同大龜打埋最後一支抗生素,但係仲未好番,而且佢依然係唔肯食o野。

原本應該帶番大龜去珍禽異獸覆診,不過覺得上次個醫生唔夠細心,好Cool,講o野好似機關槍掃射o甘,快到即使係講中文(醫生係外國人),都未必聽得切,唔係有個翻譯 ,都唔知點溝通,但係無可否認,我覺得佢係好專業o既。

珍禽異獸仲有一位好受歡迎o既Dr Tiger,不過要預早Book,正諗緊睇番原先個醫生好,定Dr Tiger,睇"Cindy 和 Ah Dee 的天地"o既Blog (佢龜龜都病o左,好希望阿圓會快D好番呀!),知道土瓜灣動物醫院o既Dr Terry係一位細心o既醫生,於是星期六朝早就帶o左大龜去睇佢嘞!

Exif_JPEG_PICTURE

 

Dr Terry 睇過大龜同珍禽異獸o既報告,佢細心o甘話比我o地知大龜o既情況。Dr Terry 話龜病o左係好難救,(同珍禽異獸個醫生o既睇法一樣,唔係o甘樂觀),佢提過兩個醫龜龜條脷o既方法,一係剪條脷上面o既o野去做化驗,然後對証下藥,一係就將脷上o既壞死組織剪o西,使傷口癒合 (感覺醫生建議呢個方法多D,但係龜龜o米好痛?傷口好大面積呀!),不過我都未諗好應該點做。

Exif_JPEG_PICTURE

 

另外由於大龜唔食o野,Dr Terry示範o左一次比我o地睇點樣灌食,大龜當時好乖,郁都唔郁,Dr Terry仲話,大龜o甘弱,唔會好難,我即刻話番佢知,大龜洗脷o既時候,會郁o黎郁去o架!Dr Terry話可以試o下用膠紙痴住D手腳 (o甘o米好似大閘蟹!!!)。

Dr Terry 亦提議,假如做唔到,可以o係大龜頸o度開個窿,直接插喉落佢個胃,o甘我o地每次餵食就會容易好多,Dr Terry仲比o左本書我o地睇,知道開窿插喉係點樣。但係當時無諗過,我o地會搞唔掂,而且覺得o係頸o度開個窿,好似好恐怖,唔想大龜受苦哩!

Exif_JPEG_PICTURE

 

最後,Dr Terry話,其實o係大龜身上可以做o既,就係o甘多o野,假如試o左都唔得,就無得救,只可以啪o左佢。

聽到呢o度,真係好唔開心。自從帶大龜去珍禽異獸,我一直都覺得大龜可以好番,即使醫生話唔樂觀,因為睇o左醫生之後,大龜精神o左,而且條脷係比之前好D。好驚假如試埋最後o既方法都唔好,真係唔知應該點做。

Exif_JPEG_PICTURE Exif_JPEG_PICTURE

 

5支抗生素,隔日打一次

Exif_JPEG_PICTURE

 

比大龜食o既狗糧,好似吞拿魚味呀!

Exif_JPEG_PICTURE

 

灌食o既針筒同膠喉

Exif_JPEG_PICTURE

 

o係文具舖買o左個鉗,方便撐開大龜個口

Exif_JPEG_PICTURE

 

大龜睇完醫生o果晚,我o地就嘗試同佢灌食。我o地捉住佢條頸,用鉗撐開佢個口,但係佢好大力o甘將個頭縮埋,我o地唔敢同佢鬥力,怕整親佢,試o左好幾次,已經唔敢再試,因為知佢好驚 (Dr Terry都有講過,呢個方法,會令動物受驚,令佢更病),結果灌食未開始,就已經完全失敗。

Exif_JPEG_PICTURE

 

如果成功撐開大龜個口,而佢又唔縮的話,之後就係將橙色o果條喉放落佢個口,直至伸到落個胃,然後將抽滿食物o既針筒同膠喉駁埋一齊。

Exif_JPEG_PICTURE

 

跟住就可以直接o甘,慢慢打D食物落大龜個胃入面

Exif_JPEG_PICTURE

 

仲有一樣o野,我係好擔心o既,Dr Terry話,大龜o甘耐無食o野,可能條腸會唔郁,o果日Dr Terry 灌o左D o野食比大龜,到依家都未見佢有便便,會唔會D o野食一直o係個胃o度唔出o黎o架!o甘點算呀!!!

於是琴日打比Dr Terry,諗住問佢呢個問題,同埋Book時間帶大龜做插喉,但係Dr Terry放o左假,要星期四先返。

既然係o甘,睇o下大龜呢幾日有無便便,遲幾日再算啦!

Exif_JPEG_PICTURE

 

大龜間唔中會擘大口透氣,不過已經比之前少o左嘞!

Exif_JPEG_PICTURE

 

帶大龜睇完醫生,去o左金魚街買o左呢罐營養粉,上次珍禽異獸o果罐已經用o西嘞!

Exif_JPEG_PICTURE

 

窗台放滿大龜o既o野哩!

Exif_JPEG_PICTURE

 

細龜,你要同大龜打氣呀!

Exif_JPEG_PICTURE


6 thoughts on “7/3 大龜睇醫生@土瓜灣動物醫院

    • 大龜爛脷o果次,最後睇o左醫生好番呀!你龜龜依家點呀!如果佢有病,快點帶佢睇醫生呀!

  1. 2017年6月帶細龜(草龜)到土瓜灣動物醫院看病(因為難產),主診醫生也是Dr.Terry Yu(余志軒),Dr.Yu也是教我用針筒和膠喉給細龜灌食recovery的狗糧,但情況越來越差,看了3次,花了$52xx,結果細龜都是做了龜仙人,土瓜灣動物醫院姑娘做事粗疏:信用咭的支付收據打錯金額,又只懂收錢,簽賬後仍然hold住細龜,Dr.Terry Yu成日放假……

    土瓜灣動物醫院害死細龜!!!

    • 我的龜龜也是叫細龜呀!寵物離開了,我很明白你作為主人的感受,因為我的另一隻大龜在前幾個月也不在了。

      我不是當事人,所以也不好說Dr Terry以及他的診所有否錯誤。只希望你可以盡快抹走傷心的心情吧!

  2. Thanks,在那約9天的時間裏(由第一次看獸醫至細龜離開),人+龜都累透了,接受治療是很痛苦的,是對人+龜的精神折磨,希望細龜可以去一個輕鬆自在,沒有痛苦地方!

    • 寵物生病了,不但動物辛苦,主人也真的不好受。願你細龜在另外一個國度裡開心健康的生活。

發表迴響

你的電子郵件位址並不會被公開。 必要欄位標記為 *

你可以使用這些 HTML 標籤與屬性: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>